ୱାଟରପ୍ରୁଫିଙ୍ଗ୍ କୋଟ୍: ଇଣ୍ଟେରିୟର୍ ଏବଂ ଏକ୍ସଟେରିୟର୍

ଆର୍ଦ୍ରତା ଆପଣଙ୍କ ଘରର ଯେକୌଣସି ଅଂଶରୁ ପ୍ରବେଶ କରିପାରେ । ତାହା ଛାତ ଓ କାନ୍ଥ ମଧ୍ୟ ଦେଇ ପ୍ରବେଶ କରିପାରେ, ଏବଂ ଦ୍ରୁତଗତିରେ ସାରା ଘର ମଧ୍ୟରେ ବ୍ୟାପିଯାଇପାରେ । ଏପରିକି ଏହା ଆପଣଙ୍କ ଘରର ଫାଉଣ୍ଡେସନ୍ ମଧ୍ୟ ଦେଇ ମଧ୍ୟ ପ୍ରବେଶ କରିପାରେ, ଏବଂ ତା’ପରେ କାନ୍ଥ ମାଧ୍ୟମରେ ବ୍ୟାପିଯାଇପାରେ ।

ଆର୍ଦ୍ରତା ଷ୍ଟିଲ୍‌‌‌କୁ କ୍ଷତିଗ୍ରସ୍ତ କରିଥାଏ ଏବଂ ଆର୍‌ସିସିରେ ଫାଟ ସୃଷ୍ଟି କରିଥାଏ, ଯାହା ଫଳରେ ଢାଞ୍ଚାର ସୁଦୃଢ଼ତା ହ୍ରାସିତ ହୋଇଥାଏ । ଏହାଦ୍ୱାରା ଆପଣଙ୍କ ଘରର ଢାଞ୍ଚା ଭିତରୁ ଫମ୍ପା ଏବଂ ଦୁର୍ବଳ ହୋଇଯାଏ ଓ ଘରର ସ୍ଥାୟିତ୍ୱ ପ୍ରଭାବିତ ହୁଏ । ଦୁର୍ଭାଗ୍ୟବଶତଃ, ଯେତେବେଳେ ଆର୍ଦ୍ରତା ଆଖିକୁ ଦୃଶ୍ୟମାନ ହୁଏ, ସେତେବେଳକୁ ତାହା କ୍ଷୟକ୍ଷତି କରିସାରିଥାଏ!

ଆର୍ଦ୍ରତା ଏକ ଦୁଃସାଧ୍ୟ ରୋଗ ଭଳି ଅଟେ, ଯାହା ଆପଣଙ୍କ ଘରକୁ ଭିତରୁ ଫମ୍ପା ଏବଂ ଦୁର୍ବଳ କରିଦେଇଥାଏ । ଆର୍ଦ୍ରତା ଥରେ ପ୍ରବେଶ କରିଗଲେ, ସେଥିରୁ ମୁକ୍ତି ପାଇବା ଅସମ୍ଭବ ହୋଇଯାଏ । ୱାଟରପ୍ରୁଫିଙ୍ଗ୍‌‌ କୋଟ୍‌‌, ରଙ୍ଗ କିମ୍ବା ଡିଷ୍ଟେମ୍ପର୍‌‌ର ପତଳା ଆସ୍ତରଣ ଖୁବ୍ ଶୀଘ୍ର ଛାଲ ଭଳି ଉତୁରିଯାଇଥାଏ ଏବଂ ତାହା ଆର୍ଦ୍ରତା ବିରୁଦ୍ଧରେ ଦୀର୍ଘ-ମିଆଦୀ ସୁରକ୍ଷା ଯୋଗାଇ ନ ଥାଏ । ପୁନଃପ୍ଲାଷ୍ଟରିଂ ଏବଂ ପୁନଃ ରଙ୍ଗକରଣ ମହଙ୍ଗା ଓ ଅସୁବିଧାଜନକ ହେବା ସତ୍ତ୍ୱେ ତାହା ଆପଣଙ୍କୁ କେବଳ ଅସ୍ଥାୟୀ ଉପଶମ ପ୍ରଦାନ କରିଥାଏ । ତେଣୁ, ନିଜ ଘରର ସୁଦୃଢ଼ତାକୁ ଆର୍ଦ୍ରତାରୁ ସୁରକ୍ଷିତ ରଖିବା ପାଇଁ ପ୍ରତିରୋଧାତ୍ମକ ବା ନିବାରଣମୂଳକ ସମାଧାନ ବ୍ୟବହାର କରିବା ବିଜ୍ଞତାର ପରିଚୟ ଅଟେ ।