Waterproofing methods, Modern kitchen designs, Vaastu tips for home, Home Construction cost
ଯେକୌଣସି ଢାଞ୍ଚା, ବିଶେଷକରି ଘର ଓ ବିଲ୍ଡିଂର ସ୍ଥାୟିତ୍ୱକୁ ବୃଦ୍ଧି କରିବା ପାଇଁ ୱାଟରପ୍ରୁଫିଙ୍ଗ୍ ଗୁରୁତ୍ୱପୂର୍ଣ୍ଣ ହୋଇଥାଏ । ୱାଟରପ୍ରୁଫିଙ୍ଗ୍ ସାମଗ୍ରୀର ଉପଯୋଗ ଆଭ୍ୟନ୍ତରୀଣ କାନ୍ଥକୁ ସୁରକ୍ଷା ଦେଇଥାଏ, ଢାଞ୍ଚାଗତ କ୍ଷତି, ଧାତବର କଳଙ୍ଗି ଏବଂ କାଠର କ୍ଷୟକୁ ପ୍ରତିରୋଧ କରିଥାଏ ।
ଅଲ୍ଟ୍ରାଟେକ୍ର ୱେଦର୍ ପ୍ରୋ ୱାଟରପ୍ରୁଫିଙ୍ଗ୍ ଏକ ବିଶିଷ୍ଟ ପ୍ରତିରୋଧାତ୍ମକ ୱାଟରପ୍ରୁଫିଂ ସିଷ୍ଟମ୍ ଅଟେ, ଯାହାକୁ ନିର୍ମାଣ ସମୟରେ ବ୍ୟବହାର କରାଯାଇଥାଏ । ୱେଦର୍ ପ୍ରୋ ସିଷ୍ଟମ୍ ଆପଣଙ୍କ ଘରକୁ ଫଳପ୍ରଦ ଢଙ୍ଗରେ ଆର୍ଦ୍ରତାରୁ ସୁରକ୍ଷିତ ରଖିଥାଏ । ଆମର ୱେଦର୍ ପ୍ରୋ ୱାଟରପ୍ରୁଫିଙ୍ଗ୍ ସିଷ୍ଟମ୍ରେ ଦୁଇଟି ଉପାଦାନ ରହିଛି:
ଛାତ, ବାହ୍ୟ କାନ୍ଥ, ଚଟାଣ ଏବଂ ଏପରିକି ଫାଉଣ୍ଡେସନ୍ ମଧ୍ୟ ଦେଇ ଆର୍ଦ୍ରତା ଆପଣଙ୍କ ଘର ମଧ୍ୟକୁ ପ୍ରବେଶ କରିପାରେ । ତେଣୁ, ନିଜ ଘରର ସୁଦୃଢ଼ତାକୁ ଆର୍ଦ୍ରତାରୁ ସୁରକ୍ଷିତ ରଖିବା ପାଇଁ ନିଜର ସମଗ୍ର ଘରକୁ ଅଲ୍ଟ୍ରାଟେକ୍ ୱେଦର୍ ପ୍ଲସ୍ ସହିତ ନିର୍ମାଣ କରନ୍ତୁ । ଅଲ୍ଟ୍ରାଟେକ୍ ୱେଦର୍ ପ୍ଲସ୍ ପାଣିକୁ ବିକର୍ଷିତ କରିଥାଏ ଏବଂ ଆର୍ଦ୍ରତାକୁ ଘର ମଧ୍ୟକୁ ପ୍ରବେଶ କରିବାରୁ ଉତ୍ତମ ସୁରକ୍ଷା ଦେଇଥାଏ ।
ଆପଣଙ୍କ ଘରର ଢାଞ୍ଚା ମଧ୍ୟକୁ ପ୍ରବେଶ କରୁଥିବା ଅବାଞ୍ଛିତ ଜଳସିକ୍ତତାକୁ ଆର୍ଦ୍ରତା ବା ଡାମ୍ପନେସ୍ କୁହାଯାଏ । ଆର୍ଦ୍ରତା ଆପଣଙ୍କ ଘରର ସୁଦୃଢ଼ତାର ସବୁଠାରୁ ବଡ଼ ଶତ୍ରୁ ଅଟେ । ଆର୍ଦ୍ରତା ଆପଣଙ୍କ ଘର ମଧ୍ୟକୁ ଥରେ ପ୍ରବେଶ କରିଗଲେ, ତାହା ଦ୍ରୁତ ଗତିରେ ବ୍ୟାପିଥାଏ ଏବଂ ଆପଣଙ୍କ ଘରର ଢାଞ୍ଚାକୁ ଭିତରୁ ଫମ୍ପା ଓ ଦୁର୍ବଳ କରିବା ଆରମ୍ଭ କରିଦେଇଥାଏ । ଆର୍ଦ୍ରତା ଆପଣଙ୍କ ଘରର ଜୀବନକାଳକୁ ହ୍ରାସ କରିଥାଏ ଏବଂ ଚୂଡ଼ାନ୍ତ ରୂପେ ଜଳ କ୍ଷରଣ ସମସ୍ୟାରେ ପରିଣତ ହୁଏ ।
ଆର୍ଦ୍ରତା ଆପଣଙ୍କ ଘରର ଯେକୌଣସି ଅଂଶରୁ ପ୍ରବେଶ କରିପାରେ । ତାହା ଛାତ ଓ କାନ୍ଥ ମଧ୍ୟ ଦେଇ ପ୍ରବେଶ କରିପାରେ, ଏବଂ ଦ୍ରୁତଗତିରେ ସାରା ଘର ମଧ୍ୟରେ ବ୍ୟାପିଯାଇପାରେ । ଏପରିକି ଏହା ଆପଣଙ୍କ ଘରର ଫାଉଣ୍ଡେସନ୍ ମଧ୍ୟ ଦେଇ ମଧ୍ୟ ପ୍ରବେଶ କରିପାରେ, ଏବଂ ତା’ପରେ କାନ୍ଥ ମାଧ୍ୟମରେ ବ୍ୟାପିଯାଇପାରେ ।
ଆର୍ଦ୍ରତା ଷ୍ଟିଲ୍କୁ କ୍ଷତିଗ୍ରସ୍ତ କରିଥାଏ ଏବଂ ଆର୍ସିସିରେ ଫାଟ ସୃଷ୍ଟି କରିଥାଏ, ଯାହା ଫଳରେ ଢାଞ୍ଚାର ସୁଦୃଢ଼ତା ହ୍ରାସିତ ହୋଇଥାଏ । ଏହାଦ୍ୱାରା ଆପଣଙ୍କ ଘରର ଢାଞ୍ଚା ଭିତରୁ ଫମ୍ପା ଏବଂ ଦୁର୍ବଳ ହୋଇଯାଏ ଓ ଘରର ସ୍ଥାୟିତ୍ୱ ପ୍ରଭାବିତ ହୁଏ । ଦୁର୍ଭାଗ୍ୟବଶତଃ, ଯେତେବେଳେ ଆର୍ଦ୍ରତା ଆଖିକୁ ଦୃଶ୍ୟମାନ ହୁଏ, ସେତେବେଳକୁ ତାହା କ୍ଷୟକ୍ଷତି କରିସାରିଥାଏ!
ଆର୍ଦ୍ରତା ଏକ ଦୁଃସାଧ୍ୟ ରୋଗ ଭଳି ଅଟେ, ଯାହା ଆପଣଙ୍କ ଘରକୁ ଭିତରୁ ଫମ୍ପା ଏବଂ ଦୁର୍ବଳ କରିଦେଇଥାଏ । ଆର୍ଦ୍ରତା ଥରେ ପ୍ରବେଶ କରିଗଲେ, ସେଥିରୁ ମୁକ୍ତି ପାଇବା ଅସମ୍ଭବ ହୋଇଯାଏ । ୱାଟରପ୍ରୁଫିଙ୍ଗ୍ କୋଟ୍, ରଙ୍ଗ କିମ୍ବା ଡିଷ୍ଟେମ୍ପର୍ର ପତଳା ଆସ୍ତରଣ ଖୁବ୍ ଶୀଘ୍ର ଛାଲ ଭଳି ଉତୁରିଯାଇଥାଏ ଏବଂ ତାହା ଆର୍ଦ୍ରତା ବିରୁଦ୍ଧରେ ଦୀର୍ଘ-ମିଆଦୀ ସୁରକ୍ଷା ଯୋଗାଇ ନ ଥାଏ । ପୁନଃପ୍ଲାଷ୍ଟରିଂ ଏବଂ ପୁନଃ ରଙ୍ଗକରଣ ମହଙ୍ଗା ଓ ଅସୁବିଧାଜନକ ହେବା ସତ୍ତ୍ୱେ ତାହା ଆପଣଙ୍କୁ କେବଳ ଅସ୍ଥାୟୀ ଉପଶମ ପ୍ରଦାନ କରିଥାଏ । ତେଣୁ, ନିଜ ଘରର ସୁଦୃଢ଼ତାକୁ ଆର୍ଦ୍ରତାରୁ ସୁରକ୍ଷିତ ରଖିବା ପାଇଁ ପ୍ରତିରୋଧାତ୍ମକ ବା ନିବାରଣମୂଳକ ସମାଧାନ ବ୍ୟବହାର କରିବା ବିଜ୍ଞତାର ପରିଚୟ ଅଟେ ।
.jpg)
