Waterproofing methods, Modern kitchen designs, Vaastu tips for home, Home Construction cost


Waterproofing methods, Modern kitchen designs, Vaastu tips for home, Home Construction cost

Get In Touch

Get Answer To Your Queries

Select a valid category

Enter a valid sub category

acceptence


ବେସମେଣ୍ଟ ୱାଟରପ୍ରୁଫିଂର ୪ଟି ପଦ୍ଧତି, ୱାଟରପ୍ରୁଫିଂର ଆବଶ୍ୟକତା ଓ ଫାଇଦା ଉପରେ ଏକ ଗାଇଡ୍

ବେସମେଣ୍ଟରେ ଆର୍ଦ୍ରତା କାହିଁକି ଦେଖାଦେଇଥାଏ, ବିଭିନ୍ନ ପ୍ରକାର ୱାଟରପ୍ରୁଫିଂ ପଦ୍ଧତି ଏବଂ ନିଜ ଘରକୁ ଶୁଖିଲା ଓ ପାଣିଜନିତ କ୍ଷତିରୁ ସୁରକ୍ଷିତ ରଖିବା ପାଇଁ ବେସମେଣ୍ଟକୁ ୱାଟରପ୍ରୁଫ୍ କରିବାର ଲାଭ ସମ୍ପର୍କରେ ଜାଣନ୍ତୁ ।

Share:


ବେସମେଣ୍ଟ ବା ଭୂତଳ ଗୃହ ଯେକୌଣସି ଘରର ଏକ ଅତ୍ୟାବଶ୍ୟକ ଅଂଶ ହୋଇଥାଏ । ଏହା ରହିବା, ଜିନିଷପତ୍ର ଓ ଯନ୍ତ୍ରପାତି ଆଦି ରଖିବା ପାଇଁ ଅତିରିକ୍ତ ଜାଗା ଦେଇଥାଏ । ହେଲେ, ଜଳ ଭେଦିବା ଓ ପାଣିଜନିତ କ୍ଷତି କାରଣରୁ ଏହା ଘରମାଲିକଙ୍କ ପାଇଁ ଏକ ଚିନ୍ତାର କାରଣରେ ପାଲଟିଯାଏ । ଫାଉଣ୍ଡେସନ୍ କିମ୍ବା କାନ୍ଥରେ ଥିବା କ୍ୟାପିଲାରୀ ରନ୍ଧ୍ର/ଫାଟ ମଧ୍ୟ ଦେଇ ପାଣି ବେସମେଣ୍ଟ ଭିତରକୁ ଭେଦିପାରେ ଯାହାଫଳରେ କବକ/ଫିମ୍ପି ବୃଦ୍ଧିର ଆଶଙ୍କା ସହିତ ଘରର ଢାଞ୍ଚା ପ୍ରତି ବିପଦ ସୃଷ୍ଟି ହୋଇଥାଏ ।

ଏହିଠାରେ ହିଁ ବେସମେଣ୍ଟ ୱାଟରପ୍ରୁଫିଂ କାମରେ ଆସିଥାଏ । ବେସମେଣ୍ଟକୁ ସିଲ୍ କରିବା ଏବଂ ପାଣିଜନିତ କ୍ଷତିରୁ ସୁରକ୍ଷିତ ରଖିବାର ପ୍ରକ୍ରିୟାକୁ ବେସମେଣ୍ଟ ୱାଟରପ୍ରୁଫିଂ କୁହାଯାଏ । ବେସମେଣ୍ଟକୁ ୱାଟରପ୍ରୁଫ୍ କରିବାର ଅନେକ ଭିନ୍ନ ଭିନ୍ନ ପଦ୍ଧତି ରହିଛି । ପ୍ରତ୍ୟେକ ପଦ୍ଧତିର ନିଜସ୍ୱ ଫାଇଦା ଓ ଅସୁବିଧା ରହିଛି ।

ଏହି ବ୍ଲଗ୍‌‌ରେ ଆମେ ବେସମେଣ୍ଟ ୱାଟରପ୍ରୁଫିଂର ବିଭିନ୍ନ ପଦ୍ଧତି, ପ୍ରତ୍ୟେକ ପଦ୍ଧତିର ଫାଇଦା ଏବଂ ବେସମେଣ୍ଟରେ ପାଣି କାରଣରୁ ହେଉଥିବା କ୍ଷତିର ସାଧାରଣ କାରଣଗୁଡ଼ିକ ସମ୍ପର୍କରେ ଆଲୋଚନା କରିବା । ବ୍ଲଗ୍‌‌ଟିକୁ ପଢ଼ିସାରିଲା ପରେ, ନିଜ ବେସମେଣ୍ଟକୁ ପାଣିଜନିତ କ୍ଷତିରୁ କିପରି ସୁରକ୍ଷିତ ରଖାଯିବ ଏବଂ ବର୍ଷ ବର୍ଷ ଧରି ତାହାକୁ ଏକ ନିରାପଦ ଓ କାର୍ଯ୍ୟକ୍ଷମ ଜାଗା ଭାବେ ବଜାୟ ରଖିବା କିପରି ସୁନିଶ୍ଚିତ କରିହେବ ସେ ସମ୍ପର୍କରେ ଆପଣ ଭଲଭାବେ ବୁଝିପାରିବେ ।





ବେସମେଣ୍ଟରେ ଆର୍ଦ୍ରତାର କେଉଁ କାରଣରୁ ସୃଷ୍ଟି ହୋଇଥାଏ

 

୧) ହାଇଡ୍ରୋଷ୍ଟାଟିକ୍ ପ୍ରେସର୍:

ବେସମେଣ୍ଟରେ ଆର୍ଦ୍ରତା ସୃଷ୍ଟି ହେବାର ଏକ ଅନ୍ୟତମ କାରଣ ହେଉଛି ଫାଉଣ୍ଡେସନ୍ କିମ୍ବା କାନ୍ଥରେ ଥିବା ଫାଟ ମଧ୍ୟ ଦେଇ ପାଣି ଭେଦିବା । ଘର ଚାରିପଟେ ଥିବା ମାଟି କିମ୍ବା ଖରାପ ଡ୍ରେନେଜ୍ ବ୍ୟବସ୍ଥା କାରଣରୁ ସୃଷ୍ଟି ହେଉଥିବା ହାଇଡ୍ରୋଷ୍ଟାଟିକ୍ ପ୍ରେସର୍ କାରଣରୁ ଏହା ଘଟିଥାଏ ।

 

୨) ଅନୁପଯୁକ୍ତ ମାଟି ଓ ଡ୍ରେନେଜ୍ ବ୍ୟବସ୍ଥା:

ଘର ଚାରିପଟେ ପର୍ଯ୍ୟାପ୍ତ ମାଟିର ଅଭାବ ଏବଂ ଉପଯୁକ୍ତ ଡ୍ରେନେଜ୍ ବ୍ୟବସ୍ଥା ବେସମେଣ୍ଟରେ ଆର୍ଦ୍ରତା ସୃଷ୍ଟି ହେବାର ଏକ ସାଧାରଣ କାରଣ ଅଟେ । ଫାଉଣ୍ଡେସନ୍ ଚାରିପଟେ ଥିବା ମାଟିକୁ ଘରର ବାହାର ଆଡ଼କୁ ସ୍ଲୋପ୍ କରାଯାଇ ନ ଥିଲେ, କିମ୍ବା ଡ୍ରେନେଜ୍ ବ୍ୟବସ୍ଥା ସଠିକ୍ ନ ଥିଲେ, ପାଣି ଜମିରହିବ ଏବଂ ଧୀରେ ଧୀରେ ବେସମେଣ୍ଟ ମଧ୍ୟକୁ ଭେଦିବ ।

 

୩) ଠିକ୍ ଭାବେ ଲଗାଯାଇ ନ ଥିବା କିମ୍ବା ରକ୍ଷଣାବେକ୍ଷଣ କରାଯାଉ ନ ଥିବା ଗଟର୍:

ଠିକ୍ ଭାବେ ସ୍ଥାପନ କରାଯାଇ ନ ଥିବା ଏବଂ ଉପଯୁକ୍ତ ରୂପେ ରକ୍ଷଣାବେକ୍ଷଣ କରାଯାଉ ନ ଥିବା ଗଟର୍ ମଧ୍ୟ ବେସମେଣ୍ଟରେ ଆର୍ଦ୍ରତାର ସମସ୍ୟା ସୃଷ୍ଟି କରିପାରେ । ଅବରୁଦ୍ଧ ହୋଇଯାଇଥିବା କିମ୍ବା ଠିକ୍ ଭାବେ କାମ କରୁ ନ ଥିବା ଗଟର୍ କାରଣରୁ ପାଣି ଉଛୁଳିଯାଇ ଫାଉଣ୍ଡେସନ ଚାରିପଟେ ଜମା ହୋଇଥାଏ । ଏହି କାରଣରୁ ବେସମେଣ୍ଟରେ ପାଣିଜନିତ କ୍ଷତି ଦେଖାଦେଇଥାଏ ।

 

୪) ଘନୀଭବନ:

ଘନୀଭବନ ବା କଣ୍ଡେନ୍ସେସନ୍ ବେସମେଣ୍ଟରେ ଆର୍ଦ୍ରତା ସୃଷ୍ଟି ହେବାର ଏକ ବଡ଼ କାରଣ ଅଟେ । ଉଷୁମ, ଗୁଳୁଗୁଳିଯୁକ୍ତ ପବନ କାନ୍ଥ ବା ପାଇପ୍ ଭଳି ଥଣ୍ଡା ପୃଷ୍ଠଭାଗ ସଂସ୍ପର୍ଶରେ ଆସିଲେ ଘନୀଭବନ ଘଟିଥାଏ ଏବଂ ପବନ ଜଳ ବିନ୍ଦୁରେ ଘନୀଭୂତ ହୋଇଥାଏ । ଉତ୍ତମ ବାୟୁ ଚଳାଚଳ ବ୍ୟବସ୍ଥା ନ ଥିବା କିମ୍ବା ଅପର୍ଯ୍ୟାପ୍ତ ଇନସୁଲେସନ୍ ଥିବା ବେସମେଣ୍ଟରେ ଘନୀଭବନ ବିଶେଷ ଭାବେ ସମସ୍ୟାର କାରଣ ସାଜିଥାଏ ।

 

୫) ବେସମେଣ୍ଟରେ ଫାଟ:


ଫାଉଣ୍ଡେସନ୍ ଚାରିପଟେ ଅନୁପଯୁକ୍ତ ସ୍ଲୋପ୍ ଏବଂ ବେସମେଣ୍ଟ କାନ୍ଥ କିମ୍ବା ଚଟାଣରେ ଫାଟ କାରଣରୁ ମଧ୍ୟ ଆର୍ଦ୍ରତାର ସମସ୍ୟା ସୃଷ୍ଟି ହୋଇଥାଏ । ଫାଉଣ୍ଡେସନ୍ ଚାରିପଟେ ଥିବା ମାଟିକୁ ଘରରୁ ବିପରୀତ ଦିଗକୁ ସ୍ଲୋପ୍ ବା ଗଡ଼ାଣି କରାଯାଇ ନ ଥାଏ ତେବେ ଫାଉଣ୍ଡସନ୍ ଚାରିପଟେ ପାଣି ଜମି ରହିବ ଏବଂ ବେସମେଣ୍ଟ ମଧ୍ୟକୁ ଭେଦିଯିବ । ଫାଉଣ୍ଡସନ୍ କିମ୍ବା କାନ୍ଥରେ ଥିବା ଫାଟଗୁଡ଼ିକ ମଧ୍ୟ ପାଣିକୁ ଭେଦିବା ପାଇଁ ସୁବିଧା ଦେଇଥାଏ, ଯାହାଫଳରେ ବେସମେଣ୍ଟରେ ପାଣିଜନିତ କ୍ଷତି ସୃଷ୍ଟି ହୋଇଥାଏ ।



ବେସମେଣ୍ଟ ଓ୍ୱାଟରପ୍ରୁଫିଂ ପଦ୍ଧତି

୧) ଇଣ୍ଟେରିୟର୍ ସିଲାଣ୍ଟ

ଇଣ୍ଟେରିୟର୍ ସିଲାଣ୍ଟ ଏକ ପ୍ରକାର ବେସମେଣ୍ଟ ୱାଟରପ୍ରୁଫିଂ ପଦ୍ଧତି ଅଟେ । ଏଥିରେ ବେସମେଣ୍ଟ ଭିତରପଟେ କାନ୍ଥ ଓ ଚଟାଣରେ ସିଲାଣ୍ଟ ଲଗାଯାଇଥାଏ । ଫାଟ, ଫାଙ୍କ କିମ୍ବା ରନ୍ଧ୍ରଯୁକ୍ତ କଂକ୍ରିଟ୍ କାରଣରୁ ପାଣି ବେସମେଣ୍ଟ ମଧ୍ୟକୁ ଭେଦିପାରେ । ଭୂତଳ ଜଳ ସ୍ତର ଉଚ୍ଚ ହୋଇଥିଲେ କିମ୍ବା ଘରର ଡ୍ରେନେଜ୍ ବ୍ୟବସ୍ଥା ନିମ୍ନମାନର ହୋଇଥିଲେ ଏହି ସମସ୍ୟା ଅଧିକ ଦେଖାଦେଇଥାଏ । ପାଣି ଭେଦିବା କାରଣରୁ ବେସମେଣ୍ଟ କ୍ଷତିଗ୍ରସ୍ତ ହେବା ସହ ସେଠାରେ ଫିମ୍ପି/କବକ ଆଦି ବୃଦ୍ଧି ପାଇଥାଏ ଏବଂ ବିଲଡିଂର ଫାଉଣ୍ଡେସନ ତଥା ଢାଞ୍ଚାଗତ ଅଖଣ୍ଡତା ପ୍ରତି ବିପଦ ସୃଷ୍ଟି ହୋଇଥାଏ । ଇଣ୍ଟେରିୟର୍ ସିଲାଣ୍ଟ ବେସମେଣ୍ଟ କାନ୍ଥ ଓ ଚଟାଣର ଭିତରପଟେ ଏକ ଜଳନିରୋଧୀ ବନ୍ଧ ସୃଷ୍ଟି କରି ପାଣିକୁ ଭେଦିବାରୁ ରୋକିଥାଏ । ସିଲାଣ୍ଟ ଯୋଗୁଁ ତିଆରି ହୋଇଥିବା ବନ୍ଧ କଂକ୍ରିଟ୍ ମଧ୍ୟ ଦେଇ ପାଣିକୁ ଭେଦିବାରୁ ପ୍ରତିରୋଧ କରିଥାଏ । ହେଲେ, ଏହି ପଦ୍ଧତି କେବଳ ପାଣିଜନିତ ଛୋଟମୋଟ କ୍ଷତି ପାଇଁ ଫଳପ୍ରଦ ଅଟେ ଏବଂ ଏହା ଆର୍ଦ୍ରତାର ନିହିତ ବା ମୁଖ୍ୟ କାରଣର ସମାଧାନ କରି ନ ଥାଏ ।

 

୨) ଏକ୍ସଟେରିୟର୍ ୱାଟରପ୍ରୁଫିଂ - ବେସମେଣ୍ଟ

ଫାଉଣ୍ଡେସନ୍ କାନ୍ଥର ବାହାରପଟୁ ପାଣିର ଅନୁପ୍ରବେଶକୁ ରୋକିବା ପାଇଁ ମୁଖ୍ୟତଃ ଏକ୍ସଟେରିୟର୍ ବେସମେଣ୍ଟ ୱାଟରପ୍ରୁଫିଂ କରାଯାଇଥାଏ । ଏକ୍ସଟେରିୟର୍ ବେସମେଣ୍ଟ ୱାଟରପ୍ରୁଫିଂ ପାଇଁ ବାହାରପଟୁ ଫାଉଣ୍ଡେସନ୍‌‌‌ ଚାରିପଟେ ମାଟି ଖୋଳାଯାଇଥାଏ ଏବଂ ବାହ୍ୟ କାନ୍ଥରେ ଏକ ୱାଟରପ୍ରୁଫ୍ କୋଟିଂ ବା ଆବରଣ ଲଗାଯାଇଥାଏ । ପାଣିଜନିତ କ୍ଷତିକୁ ରୋକିବା ଏବଂ ବିଲଡିଂର ଢାଞ୍ଚାଗତ ଅଖଣ୍ଡତାକୁ ସୁରକ୍ଷିତ ରଖିବାର ଏହା ଏକ ଫଳପ୍ରଦ ସମାଧାନ ଅଟେ । ହେଲେ, ଏହାକୁ ଲଗାଇବା ଅଧିକ ମହଙ୍ଗା ହୋଇଥାଏ ଏବଂ ଫାଉଣ୍ଡେସନ୍ ଚାରିପଟେ ମାଟି ଖୋଳାଯିବା କାରଣରୁ ବିଲଡିଂରେ ରହୁଥିବା ଲୋକଙ୍କ ସ୍ୱାଭାବିକ ଜୀବନରେ ବ୍ୟାଘାତ ସୃଷ୍ଟି କରିଥାଏ । ତା’ଛଡ଼ା ୱାଟରପ୍ରୁଫିଂ କାମ ସରିବା ପରେ ଖାତକୁ ମୁଦିବା ଏବଂ ଘରର ସୌନ୍ଦର୍ଯ୍ୟକୁ ଫେରାଇଆଣିବା ପାଇଁ ଅତିରିକ୍ତ କାମର ଆବଶ୍ୟକତା ପଡ଼ିଥାଏ । ହେଲେ ଯାହା ବି ହେଉ ନା କାହିଁକି, ବେସମେଣ୍ଟ ମଧ୍ୟକୁ ପାଣିର ଅନୁପ୍ରବେଶକୁ ରୋକିବାର ଏହା ସବୁଠାରୁ ଭରସାଯୋଗ୍ୟ ଏବଂ ଦୀର୍ଘସ୍ଥାୟୀ ସମାଧାନ ଅଟେ ।

 

୩) ଇଣ୍ଟେରିୟର୍ ୱାଟରପ୍ରୁଫିଂ - ବେସମେଣ୍ଟ

ଘନୀଭବନ ଆର୍ଦ୍ରତାର ମୁଖ୍ୟ କାରଣ ହୋଇଥିଲେ ଇଣ୍ଟେରିୟର୍ ବେସମେଣ୍ଟ ୱାଟରପ୍ରୁଫିଂର ଆବଶ୍ୟକତା ଦେଖାଦେଇଥାଏ । ଇଣ୍ଟେରିୟର୍ ବେସମେଣ୍ଟ ୱାଟରପ୍ରୁଫିଂ କାନ୍ଥ ଓ ଚଟାଣ ମଧ୍ୟ ଦେଇ ବେସମେଣ୍ଟ ମଧ୍ୟକୁ ପ୍ରବେଶ କରିଥିବା ପାଣିକୁ ଡ୍ରେନେଜ୍ ବ୍ୟବସ୍ଥା ମଧ୍ୟକୁ ପଠାଇଦେଇଥାଏ, ଯାହା ସମ୍ପ୍ ପମ୍ପ୍ ମାଧ୍ୟମରେ ବେସମେଣ୍ଟରୁ ନିଷ୍କାସିତ ହୋଇଯାଇଥାଏ । ଡ୍ରେନେଜ୍ ପାଇପକୁ ସାଧାରଣତଃ ବେସମେଣ୍ଟ ଚଟାଣ ତଳେ ଲଗାଯାଇଥାଏ ଓ ସମ୍ପ୍ ପମ୍ପ୍ ଆଡ଼କୁ ସ୍ଲୋପ୍ କରାଯାଇଥାଏ । ସମ୍ପ୍ ପମ୍ପ୍ ବେସମେଣ୍ଟର ସବୁଠାରୁ ତଳିଆ ସ୍ଥାନରେ ଏକ ଗାତରେ ସ୍ଥାପନ କରାଯାଇଥାଏ । ଗାତରେ ପାଣିର ପରିମାଣ ଏକ ନିର୍ଦ୍ଦିଷ୍ଟ ସ୍ତରରେ ପହଞ୍ଚିଲେ ସମ୍ପ୍ ପମ୍ପ୍ ଆପେ ଆପେ କାର୍ଯ୍ୟକ୍ଷମ ହୋଇଯାଏ ଏବଂ ପାଣିକୁ ବେସମେଣ୍ଟ ବାହାରକୁ ଓ ଫାଉଣ୍ଡେସନରୁ ଦୂରକୁ ନିଷ୍କାସିତ କରିଦିଏ ।

 

୪) ଫାଉଣ୍ଡେସନ୍ କ୍ରାକ୍ ଇଞ୍ଜେକ୍ସନ୍ସ

ଫାଉଣ୍ଡେସନ୍ କ୍ରାକ୍ ଇଞ୍ଜେକ୍ସନ୍ସ ଫାଉଣ୍ଡେସନ ଚାରିପଟେ ଥିବା ମାଟିକୁ ନ ଖୋଳି ଫାଉଣ୍ଡେସନ୍ କାନ୍ଥରେ ଥିବା ଫାଟଗୁଡ଼ିକୁ ମରାମତି କରିବାର ଏକ ପଦ୍ଧତି ଅଟେ । ଏହି ପ୍ରକ୍ରିୟାରେ ଫାଟ ମଧ୍ୟରେ ତରଳ ପଲିୟୁରିଥେନ୍ ବା ଇପକ୍ସିକୁ ଇଞ୍ଜେକ୍ଟ କରାଯାଇଥାଏ । ତାହା କ୍ରମଶଃ କଠିନ ହୋଇ ଏକ ଜଳନିରୋଧୀ ବନ୍ଧ ସୃଷ୍ଟି କରିଥାଏ ଓ ପାଣିକୁ ଭେଦିବାରୁ ପ୍ରତିରୋଧ କରିଥାଏ । ଢାଞ୍ଚା ପ୍ରତି ବିପଦ ସୃଷ୍ଟି କରୁ ନ ଥିବା ଛୋଟମୋଟ ଫାଟଗୁଡ଼ିକୁ ମରାମତି କରିବା ପାଇଁ ସାଧାରଣତଃ ଏହି ପ୍ରକ୍ରିୟା ବ୍ୟବହାର କରାଯାଇଥାଏ । ଏହି କାମ ଶୀଘ୍ର ସମ୍ପନ୍ନ ହୋଇପାରେ ଏବଂ ବିଲଡିଂର ବାସିନ୍ଦାଙ୍କ ସ୍ୱାଭାବିକ ଜୀବନରେ କୌଣସି ବ୍ୟାଘାତ ସୃଷ୍ଟି କରି ନ ଥାଏ । ହେଲେ, ଏହା ଧ୍ୟାନରେ ରଖିବା ଗୁରୁତ୍ୱପୂର୍ଣ୍ଣ ଯେ କ୍ରାକ୍ ଫିଲର୍ ବା ଇଞ୍ଜେକ୍ସନ୍ ଫାଟର ନିହିତ କାରଣର ସମାଧାନ କରେନାହିଁ । ସେଥିପାଇଁ ଅତିରିକ୍ତ ୱାଟରପ୍ରୁଫିଂ ପଦ୍ଧତି ଆବଶ୍ୟକ ହୋଇପାରେ । ଅତିରିକ୍ତ ଭାବେ, ଏହି ପଦ୍ଧତି ବଡ଼ କିମ୍ବା ଅଧିକ ଗୁରୁତର ଫାଟଗୁଡ଼ିକ ପାଇଁ ଉପଯୁକ୍ତ ହୋଇ ନ ଥାଏ । ସେଥିପାଇଁ ଅଧିକ ବ୍ୟାପକ ମରାମତି ଆବଶ୍ୟକ ହୋଇଥାଏ ।

 

ଏହା ମଧ୍ୟ ପଢ଼ନ୍ତୁ: ୬ଟି ୱାଟରପ୍ରୁଫିଂ ତ୍ରୁଟି ଯାହାକୁ ଆପଣ ଏଡ଼ାଇବା ଉଚିତ

 

 

ବେସମେଣ୍ଟ ୱାଟରପ୍ରୁଫିଂର ଫାଇଦା



ବେସମେଣ୍ଟ ୱାଟରପ୍ରୁଫିଂର ଅନେକ ଲାଭ ରହିଛି ଯାହା ଆପଣଙ୍କୁ ନିଜର ଘର ବା ବିଲଡିଂକୁ ପାଣିଜନିତ କ୍ଷତି ଓ ଅନ୍ୟାନ୍ୟ ସମସ୍ୟାରୁ ସୁରକ୍ଷିତ ରଖିବାରେ ସାହାଯ୍ୟ କରିଥାଏ । ବେସମେଣ୍ଟ ୱାଟରପ୍ରୁଫିଂର କେତେକ ମୁଖ୍ୟ ଲାଭଗୁଡ଼ିକ ତଳେ ଦର୍ଶାଗଲା:

 

୧) ଘର ଭିତରର ପରିବେଶ ଉନ୍ନତ ହୁଏ

ନିଜ ବେସମେଣ୍ଟକୁ ୱାଟରପ୍ରୁଫିଂ କରିବା ଦ୍ୱାରା ଆପଣଙ୍କ ଘରର ଆର୍ଦ୍ରତା ସ୍ତର ହ୍ରାସିତ ହୁଏ ଏବଂ ଫିମ୍ପି/କବକର ବୃଦ୍ଧି ହ୍ରାସିତ ହୁଏ । ଏହାଦ୍ୱାରା ଆପଣଙ୍କ ଘର ବା ବିଲଡିଂର ସାମଗ୍ରିକ ବାୟୁର ମାନ ଉନ୍ନତ ହୋଇଥାଏ ।

 

୨) ବେସମେଣ୍ଟ ଚଟାଣକୁ ସୁରକ୍ଷା ମିଳିଥାଏ

ସମୟ ସହିତ ଆର୍ଦ୍ରତା ବେସମେଣ୍ଟ ଚଟାଣକୁ କ୍ଷତିଗ୍ରସ୍ତ କରିଥାଏ । ହେଲେ, ୱାଟରପ୍ରୁଫିଂ କରାଯାଇ ଏହି କ୍ଷତିକୁ ପ୍ରତିରୋଧ କରାଯାଇପାରିବ ଏବଂ ଆପଣଙ୍କ ଚଟାଣର ଜୀବନକାଳ ବୃଦ୍ଧି ହୋଇପାରିବ ।

 

୩) ବେସମେଣ୍ଟ ଜଳାର୍ଣ୍ଣବ ହୁଏନାହିଁ

ୱାଟରପ୍ରୁଫିଂ ପାଣିକୁ ଆପଣଙ୍କ ବେସମେଣ୍ଟ ମଧ୍ୟକୁ ପ୍ରବେଶ ବା ଭେଦ କରିବାରୁ ରୋକିଥାଏ । ଏହାଫଳରେ ଆପଣଙ୍କ ବେସମେଣ୍ଟ ଜଳାର୍ଣ୍ଣବ ହୁଏନାହିଁ ଏବଂ ଆପଣଙ୍କ ସମ୍ପତ୍ତିରେ ପାଣିଜନିତ କ୍ଷତିର ଆଶଙ୍କା ହ୍ରାସିତ ହୋଇଥାଏ ।

 

୪) ଆପଣଙ୍କ ସମ୍ପ୍ ଡମ୍ପ୍ ସୁରକ୍ଷିତ ରହିଥାଏ

ବେସମେଣ୍ଟରୁ ପାଣିକୁ ନିଷ୍କାସିତ କରିବା ପାଇଁ ସମ୍ପ୍ ପମ୍ପ୍ ତିଆରି କରାଯାଇଥାଏ । କିନ୍ତୁ ଅତ୍ୟଧିକ ପାଣି କାରଣରୁ ଏହା ଠିକ୍ ଭାବେ କାମ କରିପାରେ ନାହିଁ । ୱାଟରପ୍ରୁଫିଂ ଦ୍ୱାରା ଏହି ସମସ୍ୟାର ନିବାରଣ କରାଯାଇପାରିବ ଏବଂ ସମ୍ପ୍ ଡମ୍ପ୍ କୁ କ୍ଷତିରୁ ରୋକାଯାଇପାରିବ ।

 

୫) ଢାଞ୍ଚାଗତ ଉପାଦାନଗୁଡ଼ିକୁ କ୍ଷତିରୁ ରକ୍ଷା କରିଥାଏ

ପାଣିଜନିତ କ୍ଷତି ଆପଣଙ୍କ ଘର ବା ବିଲଡିଂର ଢାଞ୍ଚାଗତ ଅଖଣ୍ଡତା ପ୍ରତି ବିପଦ ସୃଷ୍ଟି କରିପାରେ । କିନ୍ତୁ, ୱାଟରପ୍ରୁଫିଂ ଦ୍ୱାରା ଏହି କ୍ଷତିକୁ ନିବାରଣ କରାଯାଇପାରିବ ଏବଂ ଆପଣଙ୍କ ଫାଉଣ୍ଡେସନର ଆୟୁକୁ ବୃଦ୍ଧି କରାଯାଇପାରିବ ।

 

୬) ବିଜୁଳି ଖର୍ଚ୍ଚ ହ୍ରାସିତ ହୁଏ

ବେସମେଣ୍ଟ କାନ୍ଥଗୁଡ଼ିକୁ ଭିତରୁ ୱାଟରପ୍ରୁଫିଂ କରିବା ଦ୍ୱାରା ଆପଣଙ୍କ ଘରର ଆର୍ଦ୍ରତା ସ୍ତର ହ୍ରାସିତ ହୋଇଥାଏ । ଏହାଫଳରେ ଆପଣଙ୍କର ବିଜୁଳି ଖର୍ଚ୍ଚ ହ୍ରାସିତ ହୋଇଥାଏ କାରଣ ଆପଣଙ୍କ ଏଚ.ଭି.ଏ.ସି. ସିଷ୍ଟମକୁ ଆରାମଦାୟକ ତାପମାତ୍ରା ବଜାୟ ରଖିବା ଲାଗି ଏତେ ପରିଶ୍ରମ କରିବାକୁ ପଡ଼ି ନ ଥାଏ ।




ମୋଟାମୋଟି ଭାବେ ଏହି ବ୍ଲଗ୍‌‌‌ରେ ବେସମେଣ୍ଟ ୱାଟରପ୍ରୁଫିଂ ପାଇଁ ସମସ୍ତ ଜାଣିବାଯୋଗ୍ୟ କଥାଗୁଡ଼ିକ ସମ୍ପର୍କରେ ଆଲୋଚନା କରାଯାଇଛି । ନିଜ ଘରକୁ ପାଣିଜନିତ କ୍ଷତି, ଶିଉଳି/ଫିମ୍ପି ଏବଂ ଢାଞ୍ଚାଗତ ସମସ୍ୟାରୁ ସୁରକ୍ଷିତ ରଖିବା ପାଇଁ ବେସମେଣ୍ଟ ୱାଟରପ୍ରୁଫିଂ ଏକ ମହତ୍ତ୍ୱପୂର୍ଣ୍ଣ ପଦକ୍ଷେପ ଅଟେ । ଆର୍ଦ୍ରତାର କାରଣକୁ ଚିହ୍ନଟ କରିବା ଏବଂ ୱାଟରପ୍ରୁଫିଂର ସଠିକ୍ ପଦ୍ଧତିକୁ ଚୟନ କରି ବେସମେଣ୍ଟକୁ ୱାଟରପ୍ରୁଫିଂ କରିବା ଦ୍ୱାରା ଆପଣ ଏକ ଶୁଷ୍କ ଏବଂ ସୁରକ୍ଷିତ ବେସମେଣ୍ଟକୁ ସୁନିଶ୍ଚିତ କରିପାରିବେ । ତା’ ସହିତ, ଯେକୌଣସି ଘରମାଲିକ ବା ସମ୍ପତ୍ତି ମାଲିକ ପାଇଁ ଏହା ଏକ ସ୍ମାର୍ଟ ନିବେଶ ହୋଇଥାଏ । ତେଣୁ, ଆଗେଇ ଯାଆନ୍ତୁ ଏଥିରୁ ଶିଖିଥିବା ଜ୍ଞାନକୁ କାମ ଲଗାଇ ନିଜ ଘରକୁ ୱାଟରପ୍ରୁଫ୍ କରନ୍ତୁ!



ସମ୍ବନ୍ଧୀୟ ପ୍ରବନ୍ଧଗୁଡ଼ିକ |



ପରାମର୍ଶିତ ଭିଡିଓଗୁଡିକ |



  ଗୃହ ନିର୍ମାଣ ପାଇଁ ନିର୍ମାଣ ଆକଳନ ଉପକରଣଗୁଡିକ (ଘର ମୂଲ୍ୟ କାଲକୁଲେଟର)


ମୂଲ୍ୟ କାଲକୁଲେଟର

ପ୍ରତ୍ୟେକ ଗୃହ ନିର୍ମାଣକାରୀ ସେମାନଙ୍କର ସ୍ୱପ୍ନର ଘର ନିର୍ମାଣ କରିବାକୁ ଚାହାଁନ୍ତି କିନ୍ତୁ ଅଧିକ ବଜେଟ୍ ନକରି ତାହା କରନ୍ତୁ | ଖର୍ଚ୍ଚ କାଲକୁଲେଟର ବ୍ୟବହାର କରି, ଆପଣ କେଉଁଠାରେ ଏବଂ କେତେ ଖର୍ଚ୍ଚ ଶେଷ କରିପାରନ୍ତି ସେ ବିଷୟରେ ଆପଣ ଏକ ଉତ୍ତମ ଧାରଣା ପାଇବେ |

 

logo

EMI କାଲକୁଲେଟର୍

ଘର loan ଣ ନେବା ଘର ନିର୍ମାଣ ପାଇଁ ଅର୍ଥ ପ୍ରଦାନ କରିବାର ସର୍ବୋତ୍ତମ ଉପାୟ କିନ୍ତୁ ଗୃହ ନିର୍ମାଣକାରୀମାନେ ପ୍ରାୟତ ask ପଚାରିଥାନ୍ତି ଯେ ସେମାନଙ୍କୁ କେତେ EMI ଦେବାକୁ ପଡିବ | EMI କାଲକୁଲେଟର ସହିତ, ଆପଣ ଏକ ଆକଳନ ପାଇପାରିବେ ଯାହା ଆପଣଙ୍କ ବଜେଟ୍କୁ ଭଲ ଯୋଜନା କରିବାରେ ସାହାଯ୍ୟ କରିବ |.

logo

ପ୍ରଡକ୍ଟ ପ୍ରେଡିକ୍ଟର

"ଗୃହ ନିର୍ମାଣର ପ୍ରାରମ୍ଭିକ ପର୍ଯ୍ୟାୟରେ ଗୃହ ନିର୍ମାଣକାରୀଙ୍କ ପାଇଁ ସଠିକ୍ ଉତ୍ପାଦ ବାଛିବା ଜରୁରୀ ଅଟେ। ଆପଣଙ୍କ ଘର ନିର୍ମାଣ ସମୟରେ କେଉଁ ଦ୍ରବ୍ୟର ଆବଶ୍ୟକତା ପଡିବ ତାହା ଦେଖିବା ପାଇଁ ଉତ୍ପାଦ ପୂର୍ବାନୁମାନ ବ୍ୟବହାର କରନ୍ତୁ |

logo

ଷ୍ଟୋର୍ ଲୋକେଟର୍

ଗୃହ ନିର୍ମାଣକାରୀଙ୍କ ପାଇଁ, ସଠିକ୍ ଷ୍ଟୋର୍‌ ଖୋଜିବା ଜରୁରୀ ଅଟେ ଯେଉଁଠାରେ ଜଣେ ଗୃହ ନିର୍ମାଣ ବିଷୟରେ ସମସ୍ତ ମୂଲ୍ୟବାନ ସୂଚନା ପାଇପାରିବେ | ଷ୍ଟୋର ଲୋକେଟର ବ feature ଶିଷ୍ଟ୍ୟ ବ୍ୟବହାର କରନ୍ତୁ ଏବଂ ଘର ନିର୍ମାଣ ବିଷୟରେ ଅଧିକ ସୂଚନା ପାଇଁ ଆମ ଷ୍ଟୋର୍‌କୁ ପରିଦର୍ଶନ କରନ୍ତୁ |.

logo

Loading....