ଅଲ୍ଟ୍ରାଟେକ୍ ଉଚ୍ଚ କାର୍ଯ୍ୟଦକ୍ଷତା ଏବଂ ଉଚ୍ଚ ଶକ୍ତି କଂକ୍ରିଟ୍ (ଅଲ୍ଟ୍ରାଟେକ୍ କଂକ୍ରିଟ)

ଅଲଟ୍ରାଟେକ୍ କଂକ୍ରିଟ୍ ଭାରତର ସବୁଠାରୁ ବଡ଼ ଏବଂ ବିଶ୍ୱର 10ମ ସବୁଠାରୁ ବଡ଼ କଂକ୍ରିଟ୍ ବିନିର୍ମାତା କମ୍ପାନୀ ଅଟେ, ଯାହା ସାରା ଦେଶରେ ଅନେକ ବଡ଼ ଭିତ୍ତିଭୂମିଗତ ପ୍ରକଳ୍ପକୁ ସାମର୍ଥ୍ୟ ପ୍ରଦାନ କରିଛି ।  ଅଲଟ୍ରାଟେକ୍ କଂକ୍ରିଟ୍, ସବୁ ପ୍ରକାର ଚାହିଦାକୁ ସୁହାଇଲା ଭଳି ଉଚ୍ଚ-ଗୁଣବତ୍ତାସମ୍ପନ୍ନ ତଥା ଖର୍ଚ୍ଚସାଶ୍ରୟୀ ଉତ୍ପାଦଗୁଡ଼ିକର ଉତ୍ପାଦନ କରିବା ପାଇଁ ପ୍ରତିବଦ୍ଧ ଅଟେ ।  ଆମେ କେବଳ ଆମ ଉତ୍ପାଦଗୁଡ଼ିକର ଗୁଣବତ୍ତା ଉପରେ ନୁହେଁ ବରଂ ସେଗୁଡ଼ିକର ସୌନ୍ଦର୍ଯ୍ୟାତ୍ମକ ଆକର୍ଷଣ ଉପରେ ମଧ୍ୟ ଧ୍ୟାନ ଦେଇଥାଉ ।  ଅଲଟ୍ରାଟେକ୍ କଂକ୍ରିଟ୍ ରେ, ଡିଜାଇନ୍ ଓ ସୁଦୃଢ଼ତା ଉପରେ ସମାନ ରୂପେ ଫୋକସ୍ କରାଯାଇଥାଏ । ଆମେ କଂକ୍ରିଟ୍ ସମ୍ବନ୍ଧୀୟ ଆବଶ୍ୟକତାଗୁଡ଼ିକୁ ସମୟର କଷଟିରେ ଉତ୍ତୀର୍ଣ୍ଣ ହୋଇଥିବା ସମାଧାନଗୁଡ଼ିକର ସଠିକ୍ ମିଶ୍ରଣ ପ୍ରସ୍ତୁତ କରିଥାଉ ।

ଅଲଟ୍ରାଟେକ୍ କଂକ୍ରିଟ୍ ଭାରତରେ ସବୁଠାରୁ ବଡ଼ ଆରଏମସି ବିନିର୍ମାତା ଅଟେ, ଯାହା ଦୁଇ ଦଶନ୍ଧିରୁ କମ୍ ସମୟ ମଧ୍ୟରେ ସାରା ଦେଶରେ ନିଜର ଉପସ୍ଥିତି ଜାହିର୍ କରିପାରିଛି । ଅଲଟ୍ରାଟେକ୍ କଂକ୍ରିଟ୍ ଆଇଟି ସମାଧାନ ମାଧ୍ୟମରେ ନିରନ୍ତର ଗୁଣବତ୍ତା ଏବଂ ସେବା ପ୍ରଦାନ କରିଆସିଛି । ଆମର ନିପୁଣ ଡିସପ୍ୟାଚ୍ ଏବଂ ଟ୍ରାକିଂ ପ୍ରଣାଳୀ (ED&TS) ଗ୍ରାହକଙ୍କୁ ସହଜରେ ଅର୍ଡର ବୁକିଂ, ଭିଜିବିଲିଟି ଓ ଡେଲିଭରୀଗୁଡ଼ିକର ଟ୍ରାକିଂ କରିବାର ସୁବିଧା ପ୍ରଦାନ କରିଥାଏ । କମ୍ପାନୀରେ କାର୍ଯ୍ୟରତ ଇଞ୍ଜିନିୟରମାନଙ୍କ ଟିମ୍ ଗ୍ରାହକଙ୍କ ଆବଶ୍ୟକତା ବିଷୟରେ ଗହନ ଅଧ୍ୟୟନ କରିଥାଏ, ଯାହାଦ୍ୱାରା ସେମାନଙ୍କର ଆବଶ୍ୟକତା ଅନୁରୂପେ ଉଚିତ କଂକ୍ରିଟ୍ ସାମଗ୍ରୀର ନିର୍ମାଣ କରାଯାଇପାରିବ । କମ୍ପାନୀ ଏହାର ବହୁସଂଖ୍ୟକ ଗ୍ରାହକଙ୍କ ବିବିଧ ଆବଶ୍ୟକତାକୁ ପୂରଣ କରିବା ଲାଗି ଅଭିନବତାକୁ ପ୍ରୋତ୍ସାହିତ କରିଥାଏ । କେତେକ ମାମଲାରେ, ଗ୍ରାହକ କଂକ୍ରିଟ୍ ମିଶ୍ରଣରେ ବିଶେଷଜ୍ଞତା ଆବଶ୍ୟକ କରିଥାନ୍ତି, କେହି କେହି ଉପକରଣ ଚାହିଁଥାନ୍ତି, ଆଉ କେହି କଂକ୍ରିଟ୍ ଉତ୍ପାଦନ ପାଇଁ ସମର୍ପିତ ୟୁନିଟ୍ ଆବଶ୍ୟକ କରିଥାନ୍ତି । ଏପରି ଗ୍ରାହକମାନଙ୍କୁ, ଅଲଟ୍ରାଟେକ୍ ଆବଶ୍ୟକତା ଅନୁଯାୟୀ ଉପଯୁକ୍ତ ସମାଧାନ ପ୍ରଦାନ କରିବା ଉପରେ ଧ୍ୟାନ କେନ୍ଦ୍ରିତ କରିଥାଏ ।