Waterproofing methods, Modern kitchen designs, Vaastu tips for home, Home Construction cost
Share:
కాంక్రీటులో కావలసిన లక్షణాల్ని రప్పించేందుకూ, ఈ కాలంలో కట్టే నిర్మాణాల అవసరాలను తీర్చడానికీ, అనేక రకాలైన మిశ్రమాలను ఉపయోగిస్తారు:
కాంక్రీటును ఉపయోగించటానికి ముందు, అది ఒక నిర్దిష్ట స్థిరత్వాన్ని పొందాలి. ప్లాస్టిసైజర్లు కాంక్రీటులో నీరు-సిమెంట్ నిష్పత్తిని సుమారు 5% నుండి 12% వరకు తగ్గించి, అవసరమైన స్థిరత్వాన్ని పొందే రసాయన మిశ్రమాలు. మిశ్రమానికి అవి చేర్చడం వల్ల అదనంగా కాంక్రీటు పని సామర్థ్యం పెరుగుతుంది. ఆ విధంగా చొరగల ప్రదేశాలలో దాన్ని పోయడం, సరిగ్గా ఉంచడం సులభతరం అవుతుంది.
సూపర్ ప్లాస్టిసైజర్లను 'హై రేంజ్ వాటర్ రెడ్యూసర్స్' అని కూడా అంటారు. ఇవి చాలా ప్రభావవంతమైన రసాయన మిశ్రమం, సాధారణంగా దీనివల్ల కాంక్రీటుకి ప్రవహించే సామర్థ్యం, బలం, మన్నికను మెరుగుపరిచే గుణం ఏర్పడతాయి. ఇది దానంతట అదే ఒద్దికగా సర్దుకునే కాంక్రీటు. అందువల్ల తక్కువ నీటి పరిమాణాన్ని తీసుకుని కూడా ఇది తన పని సామర్థ్యాన్ని కోల్పోదు.
వాటి పేర్లకి తగ్గట్టుగానే, ఈ యాక్సిలరేటర్లు కాంక్రీటు సెట్ అవడాన్నీ, గట్టిపడే ప్రక్రియనీ వేగవంతం చేస్తాయి. అవి హైడ్రాలిక్ సిమెంట్‌లో హైడ్రేషన్ రేటును పెంచుతాయి. అందువల్ల త్వరగా సెట్ అయ్యే సమయమూ అలాగే మెరుగైన బలం అభివృద్ధి చెందుతుంది. చాలా సాధారణంగా, యాక్సిలరేటర్లు చల్లని వాతావరణంలో ఉపయోగించబడతాయి. ఎందుకంటే అవి క్యూరింగ్ మరియు సెట్టింగ్ ప్రక్రియను నెమ్మదిగా జరిగేలా చేస్తూ చల్లని ఉష్ణోగ్రతల ప్రభావానికి వ్యతిరేకంగా పనిచేస్తాయి.
యాక్సిలేటర్లు కాంక్రీటు సెట్ చేసే ప్రక్రియనీ, అది గట్టిపడే ప్రక్రియను వేగవంతం చేస్తాయి. కానీ సెట్ రిటార్డర్లు అలా కాకుండా దీనికి విరుద్ధంగా చేస్తాయి. సెట్ రిటార్డర్లు సెట్టింగ్ గట్టిపడే ప్రక్రియను నెమ్మదిగా జరిగేలా చూస్తాయి, అలాగే కాంక్రీటు త్వరగా సెట్ అవకుండా అడ్డుకుంటాయి కాబట్టి కాంక్రీటును ఎక్కువ దూరాలకు రవాణా చేయవలసి వచ్చినప్పుడు దీన్ని సాధారణంగా ఉపయోగిస్తారు. ముఖ్యంగా వేడి వాతావరణంలో ఆలస్యంగా సెట్ అవాల్సిన అవసరం ఉన్నప్పుడు ఇవి చాలా సహాయకారిగా ఉంటాయి.
అత్యంత మన్నికైన కాంక్రీట్ నిర్మాణాలను తయారు చేసేందుకు సాధారణ పోర్ట్ ల్యాండ్ సిమెంట్ లేదా పోజోలానిక్ మెటీరియల్స్ తో (క్రింద వివరించినవి) సిమెంటిషియస్ మిశ్రమాల్ని సాధారణంగా ఉపయోగిస్తారు. సిమెంటిషియస్ మిశ్రమం కాంక్రీటు బలాన్నీ, మన్నికనీ మెరుగుపరచడానికి సాధారణంగా ఉపయోగించే సిమెంటింగ్ లక్షణాలను కలిగి ఉంటుంది. ఇది స్వభావసిద్ధంగా ఎక్కువ సిమెంటుని కలిగి ఉంటుంది కాబట్టి గ్రౌండ్ గ్రాన్యులేటెడ్ బ్లాస్ట్ ఫర్నేస్ స్లాగ్ అనేది సిమెంటిషియస్ మిశ్రమానికి మంచి ఉదాహరణ.
పోజోలన్‌లు, సాధారణంగా "సిమెంట్ ఎక్స్టెండర్‌లు"గా సూచిస్తారు, ఇవి కాల్షియం హైడ్రాక్సైడ్‌తో కలిపినప్పుడు సిమెంటియస్ లక్షణాలను ప్రదర్శించే పదార్థాలు. కాంక్రీటు పోజోలన్‌ల భాగాల మధ్య ప్రతిచర్య ఫలితంగా కాంక్రీటు నాణ్యత, పనితనం మెరుగుపడతాయి. పోజోలానిక్ మిశ్రమాలకు కొన్ని ఉదాహరణలు ఫ్లై యాష్, సిలికా ఫ్యూమ్, రైస్ హస్క్ యాష్ (వరి ధాన్యం పొట్టు బూడిద), మెటాకోలిన్.
గ్రౌండ్ గ్రాన్యులేటెడ్ బ్లాస్ట్ ఫర్నేస్ స్లాగ్ (GGBF) అనేది ఇనుము ఉత్పత్తిలో వచ్చే ఉప ఉత్పత్తి (బై ప్రొడక్ట్). ఇది కరిగిన ఇనుప బ్లాస్ట్ ఫర్నేస్ స్లాగ్‌ను వేగంగా నీటిలో కలిపినప్పుడు లేదా నీటిలో ముంచినప్పుడు ఏర్పడే కణిక పదార్థం. వాటి అధిక మన్నిక బలం కారణంగా, GGBFలు సాధారణంగా డబుల్ కాంక్రీట్ నిర్మాణాలను తయారు చేయడానికి ఉపయోగిస్తారు.
ఇది బొగ్గుతో తయారయ్యే విద్యుత్ ప్లాంట్లలో వచ్చే ఉప ఉత్పత్తి. ఫ్లై యాష్ అనేది నేల లేదా పొడి బొగ్గు దహన ఫలితంగా ఉత్పన్నమయ్యే సూక్ష్మావశేషం. ఈ సూక్ష్మావశేషాలు బొగ్గు ఆధారిత విద్యుత్ ప్లాంట్ల చిమ్నీల నుండి సంగ్రహించబడతాయి. ఒక మిశ్రమంగా ఉపయోగించినప్పుడు, ఫ్లై యాష్ కాంక్రీట్ వేడి హైడ్రేషన్‌ని తగ్గిస్తుంది మరియు దాని పని సామర్థ్యాన్నీ, మన్నికనీ మెరుగుపరుస్తుంది.
సిలికా ఫ్యూమ్ అనేది సిలికాన్ మెటల్ మరియు ఫెర్రోసిలికాన్ మిశ్రమాల తయారీలో వచ్చే బై ప్రొడక్ట్. ఇది చాలా రియాక్టివ్ పోజోలాన్. దాన్ని కలిపితే చాలు, కాంక్రీటు అత్యంత మన్నికగానూ బలంగానూ మారిపోతుంది. సిలికా ఫ్యూమ్ కాంక్రీటు పారగమ్యత (పెర్మీయబిలిటీ, చొచ్చుకుపోయే గుణం) ను తగ్గిస్తుంది. తద్వారా పరిసర వాతావరణాన్ని నిరోధించే గుణం పెరుగుతుంది, అలాగే ఇది తుప్పు నుండి ఉక్కును కాపాడుతుంది.
రిస్క్ హస్క్ లను కాల్చినప్పుడు రైస్ హస్క్ యాష్ ఉత్పత్తి అవుతుంది. రైస్ హస్క్ లను కాల్చేటప్పుడు ఈ బై ప్రొడక్ట్ ని సెల్ఫ్-కాంపాక్టింగ్ కలిగి అధిక-పని సామర్థ్యాన్ని చూపగల కాంక్రీటు పనితీరును పెంచే పోజోలానిక్ పదార్థంగా ఉపయోగించబడుతుంది. దీనిలో సిలికా అధిక స్థాయిలో ఉంటుంది. దీని పని సామర్థ్యం, అభేద్యత, బలం, తుప్పు, నిరోధకత, కాంక్రీట్ లక్షణాలను మరింత మెరుగుపరుస్తుంది.
కాంక్రీట్ మిశ్రమం (అడ్మిక్స్చర్) అనేది త్వరగా సెట్ అయ్యే సిమెంట్. దీనిని అనేక రకాల ప్రయోజనాలకు ఉపయోగించవచ్చు:
1) నీటి శాతాన్ని పెంచకుండా లేదా తగ్గించకుండా కాంక్రీటు పని సామర్థ్యాన్ని మెరుగుపరచడానికి.
2) దాని సెట్టింగ్ సమయాన్ని వేగవంతం చేయడానికి.
3) కాంక్రీట్ మిశ్రమం పంప్ చేసే సామర్థ్యాన్ని మెరుగుపరచడానికి.
4) ఇప్పటికే ఉన్న కొత్త కాంక్రీటు మధ్య బంధాన్ని పెంచడానికి
5) కాంక్రీటు సెగ్రెగేషన్ మరియు బ్లీడింగ్ ని తగ్గించడానికి
6) స్లంప్ నష్టం రేటును తగ్గించడానికి
7) స్టీల్ రీఇన్‌ఫోర్స్మెంట్ తో కాంక్రీటు బంధాన్ని పెంచడానికి
8) ఉష్ణ పరిణామాన్ని తగ్గించడానికీ, నీటి బిగుతుని పెంచడానికీ
అనేక రకాలైన మిశ్రమాలు నిర్దిష్ట విధులను, ఉదాహరణకు, పని సామర్థ్యం మెరుగుపరచడం, సమయాన్ని సెట్ చేయడం, బలం లేదా కాంక్రీటు మన్నిక వంటి అంశాల్ని నిర్వహించడానికి డిజైన్ చేయబడ్డాయి. ప్రతి రకం వివిధ రసాయన భౌతిక లక్షణాలను కలిగి ఉన్నందున కాంక్రీటులో మిశ్రమం ఎంత బాగా పని చేస్తుందో ఎంచుకున్న రకమే ప్రభావితం చేస్తుంది.
మిశ్రమాలు కాంక్రీటు లక్షణాలను మారుస్తాయి కాబట్టి, కాంక్రీటుకు అదనపు లేదా సరిపోని మొత్తాన్ని చేర్చడం దాని పనితీరుని బాగా ప్రభావితం చేయవచ్చు. సర్వసాధారణంగా, మిశ్రమం మోతాదు వాంఛనీయ స్థాయిలో లేనప్పుడు సెగ్రెగేషన్ మరియు బ్లీడింగ్ సమస్యలు సంభవించవచ్చు
ప్రతి సిమెంట్ వివిధ మిశ్రమాలతో విభిన్న ఫలితాలను ఇస్తుంది. కాంక్రీటు పనితీరు మిశ్రమం సిమెంట్ మధ్య అనుకూలత ద్వారా కూడా నిర్ణయించబడుతుంది. రెండింటి మధ్య ఏదైనా అననుకూలత ఉంటే, అది కాంక్రీటు పని సామర్థ్యం, విభజన, మన్నిక, సెట్టింగ్ సమయాలపై ప్రభావం చూపుతుంది.
మిశ్రమం పనితీరు పరిసర వాతావరణం ఉష్ణోగ్రతపై కూడా ఆధారపడి ఉంటుంది. పరిసర ఉష్ణోగ్రతలో ఏదైనా పెరుగుదల సంతృప్త మోతాదులో పెరుగుదలకు దారి తీస్తుంది కాంక్రీటు ప్రభావాన్ని ప్రభావితం చేస్తుంది.
మిశ్రమాల విభిన్న భాగాలు దాని తుది పనితీరుపై ప్రభావం చూపుతాయి. నీరు, ముతక కంకర రాళ్లు, బాగా నుసి అయిన కంకర, సిమెంట్, మిశ్రమాల పనితీరు, భౌతిక పరస్పర చర్యనీ, వ్యాప్తినీ, మిశ్రమాల సామర్థ్యాన్నీ ప్రభావితం చేస్తాయి.
1) మిశ్రమాలు కాంక్రీటు బలాన్ని ప్రభావితం చేస్తాయా?
అవును, మిశ్రమాలు కాంక్రీటు బలాన్ని ప్రభావితం చేస్తాయి. వాటి నీరు సిమెంట్ తగ్గింపు, హైడ్రోఫోబిక్ ప్రభావం, రంధ్రాల (పోర్) తగ్గింపు, నిరోధించడం (బ్లాకింగ్), పని చేసే సామర్థ్యాల ద్వారా, కాంక్రీటులో బలం మరియు మన్నిక గణనీయంగా మెరుగుపడతాయి.
2) మిశ్రమాలు ఎందుకు ఉపయోగించబడతాయి?
కాంక్రీటు లక్షణాలను మెరుగుపరచడానికీ, కాంక్రీటు తిరోగమనాన్ని ప్రభావితం చేయడానికీ, హైడ్రేషన్ ని ప్రభావితం చేయడానికీ మరియు ఇతర ప్రయోజనాలతో పాటు కాంక్రీటు యొక్క త్వరణం (యాక్సిలరేషన్), రిటార్డేషన్ సమయాన్ని ప్రభావితం చేయడానికి రసాయన మరియు భౌతిక రకాలకి చెందిన రెండు మిశ్రమాలను ఉపయోగించవచ్చు.
3) మిశ్రమాల ప్రభావాన్ని ఏది నిర్ణయిస్తుంది?
మిశ్రమాల ప్రభావం సిమెంట్ రకం, సిమెంట్ పరిమాణం, నీటి శాతం, మిక్సింగ్ సమయం, ఒక్కసారిగా పోయడం (స్లంప్), ఉష్ణోగ్రతలతో సహా అనేక అంశాలపై ఆధారపడి ఉంటుంది.
చివరిగా చెప్పుకునేదేమంటే, వివిధ నిర్మాణ ప్రాజెక్టుల నిర్దిష్ట అవసరాలకు అనుగుణంగా కాంక్రీటు లక్షణాలను సరి చేసుకోవడం విషయంలో నిర్మాణంలో మిశ్రమాలు కీలక పాత్ర పోషిస్తాయి. పని సామర్థ్యాన్ని మెరుగుపరచడం లేదా బలాన్ని పెంచడం కోసం, మిశ్రమాలు బిల్డర్లకీ, ఇంజనీర్లకీ వారు సృష్టించే నిర్మాణాల నాణ్యతపైనా, మన్నికపైనా ఎక్కువ నియంత్రణని అందిస్తాయి. మిశ్రమాల విషయానికి వస్తే సమాచారంతో కూడిన నిర్ణయాలు తీసుకోవడం చాలా కీలకం. ఎందుకంటే సరైన మిశ్రమాలు కాల పరీక్షకు నిలబడే నిర్మాణాలను సృష్టించగలవు.
