ନିର୍ମାଣରେ ଉତ୍କର୍ଷ
AFCONS 4.62 କିମି ଦୀର୍ଘ ଭାରତର ସବୁଠାରୁ ଦୀର୍ଘତମ ରେଳ ସେତୁର ନିର୍ମାଣ କରିବାର ଗୌରବ ପ୍ରାପ୍ତ କରିଛି, ଯାହା ଉତ୍ତର କୋଚିରେ ଇଦାପାଲ୍ଲୀରୁ ଭଲ୍ଲାରପଦମ ଦ୍ୱୀପକୁ ଯୋଡ଼ିଥାଏ । ଏହି ପ୍ରକଳ୍ପ ରେଳ ବିକାଶ ନିଗମ ଲିମିଟେଡ (ଆରଭିଏନଏଲ୍) ନିମନ୍ତେ ଆରମ୍ଭ କରାଯାଇଥିଲା ଏବଂ ମାତ୍ର 27 ମାସରେ ହିଁ ତାହାର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହୋଇଯାଇଥିଲା, ଯାହାକି ଏକ ଜାତୀୟ ରେକର୍ଡ ଅଟେ । ଯଦିଓ ଏହାର ଡିଜାଇନ୍ ଆରଭିଏନଏଲ୍ ନିଜେ ତିଆରି କରିଥିଲା, କିନ୍ତୁ କମ୍ପାନୀ ତାହାକୁ ସଂଶୋଧିତ କରିବା ପାଇଁ ନିଜର ବିଶେଷ ଦକ୍ଷତାର ଉପଯୋଗ କରିଥିଲା, ଏହାଦ୍ୱାରା ଏହା କମ୍ପାନୀର ଇନ୍-ହାଉସ୍ ପ୍ରକଳ୍ପରେ ପରିଣତ ହୋଇଗଲା ।
ଏହି ସେତୁର ନିର୍ମାଣ ପରିଷ୍କୃତ ଉପକରଣ ଏବଂ ଆଧୁନିକ ଟେକ୍ନୋଲୋଜି ବ୍ୟବହାର କରି ଯଥାସମ୍ଭବ ନ୍ୟୂନତମ ସମୟରେ ସମ୍ପନ୍ନ କରାଯାଇଥିଲା । ଉଦାହରଣସ୍ୱରୂପ, ଆମେ ଏଥିରେ କଂକ୍ରିଟ୍ କୁ 2.1 କିମି ଦୂରତା ପର୍ଯ୍ୟନ୍ତ ପମ୍ପ କରି କଂକ୍ରିଟ୍ ସ୍ଥାପନା କରାଯାଇଥିଲା, ଯାହା ଏକ ଜାତୀୟ ରେକର୍ଡ ଅଟେ । ସେତୁ ଗର୍ଡର୍ କୁ ଏକ ଅତ୍ୟାଧୁନିକ ଗର୍ଡର ଲଞ୍ଚର୍ ସହାୟତାରେ ଏକମାସରେ ପାଖାପାଖି 500 ମିଟରର ରେକର୍ଡ ଗତିରେ ସ୍ଥାପନ କରାଯାଇଥିଲା । ଏନଆରଏସ୍ ମାଲେସିଆରୁ ଆନୀତ ଟେକ୍ନୋଲୋଜିର ଏହି ରୂପ ଉନ୍ନତ ଲଞ୍ଚିଂ-ଟ୍ରସ୍ ର ଉତ୍କୃଷ୍ଟ ପ୍ରକଳ୍ପ ବିତରଣ କ୍ଷେତ୍ରରେ ଏକ ବିଶେଷ ଅଭିନବତା ଅଟେ । ଏହି ସେତୁରେ ଭୂସ୍ତମ୍ଭ ମୂଳଦୂଆ (ପାଇଲ୍ ଫାଉଣ୍ଡେଶନ୍) ଉପରେ ସ୍ଥିତ ଖୁଣ୍ଟରେ ଲଗାଯାଇଥିବା 134ଟି ପୂର୍ବ-ନିର୍ମିତ ଗର୍ଡର୍ ରହିଛି ।
କମ୍ପାନୀ ଏହାର ଠିକା ଅବଧିରେ କଠୋର ସୁରକ୍ଷା, ସ୍ୱାସ୍ଥ୍ୟ ଓ ପରିବେଶଗତ ପ୍ରଣାଳୀ ଓ ପ୍ରକ୍ରିୟାଗୁଡ଼ିକୁ ବଜାୟ ରଖିଥିଲା । ଏହି ସାଇଟ୍ ରେ ଅନୁପାଳନ କରାଯାଇଥିବା ସୁରକ୍ଷା ମାନକଗୁଡ଼ିକ ଅନ୍ତର୍ଜାତୀୟ ମାନକର ସମତୁଲ୍ୟ ଥିଲା ଏବଂ ଏହି ପ୍ରକଳ୍ପ ଶୂନ୍ୟ ମାନବ ଜୀବନହାନିର ରେକର୍ଡ ସହିତ ସମ୍ପୂର୍ଣ୍ଣ ହୋଇଥିଲା ।
ଏହି ପ୍ରକଳ୍ପ ପାଇଁ AFCONS ଭାରତୀୟ କଂକ୍ରିଟ୍ ସଂସ୍ଥାନ ପକ୍ଷରୁ ‘ବେଷ୍ଟ ପ୍ରି-ଷ୍ଟ୍ରେସିଂ ଷ୍ଟ୍ରକ୍ଚର୍ ଫର୍ ଦି ଇୟର୍ 2010’, ଡି ଏଣ୍ଡ ବି ଏକ୍ସିସ୍ ବ୍ୟାଙ୍କ ଇନଫ୍ରା ଆୱାର୍ଡସ୍ 2011ରେ ‘ରେଲୱେ ଶ୍ରେଣୀରେ ସର୍ବଶ୍ରେଷ୍ଠ ପ୍ରକଳ୍ପ’ ଏବଂ ସିଏନବିସି ନେଟୱର୍କ 18 ଦ୍ୱାରା ‘ସିଏନବିସି ଟିଭି 18 ଏସାର ଷ୍ଟିଲ୍ ଇନଫ୍ରାଷ୍ଟ୍ରକ୍ଚର୍ ଏକ୍ସଲେନ୍ସ ଅୱାର୍ଡ 2011’ର ପୁରସ୍କାର ପ୍ରାପ୍ତ କରିଥିଲା ।
